Athletics

Atletiek

Atletiek is een van ons groot somersporte en baie tyd en goeie afrigting gaan elke seisoen daarmee gepaard.

Ons begin die jaar met ons kleure sportbyeenkoms, waar die skool opgedeel word in die Kwikkies, Vinke, Kiewiete en Mossies. Dit is groot pret en na ‘n lang dag van “sing songs” en parades word die atlete teen mekaar getoets. Die volgende byeenkomste is kwalifiserend vir die Sarah Baartman Distriks-byeenkoms waar die Provinsiale spannne,  wat na die Suid Afrikaanse Nasionale atletiekbyeenkoms gaan, aangekondig word.

Ons het ‘n baie goeie seisoen gehad in 2022 op die atletiekbaan.  Talle uitblinkers is deur na die sonebyeenkoms en daar het ‘n klomp atlete na die Oos-Kaap Kampioenskappe in Cradock deurgedring.

Baie geluk aan ons 7 atlete wat aan die Suid-Afrikaanse Junior Atletiek-Byeenkoms in Potchefstroom deelgeneem het.

Karlien Smit (D o/10, 70 mH), Calib Makoba (S o/11, 80 m en 100 m – hy eindig vierde in die 100 m finaal), Daniël Veldsman (S o/11, hekkies en verspring), Seth Jones (S o/12, hoogspring), Hunter Justus (S o/12, 100 m en 150 m), Joshua Robyn (S o/12, gewigstoot), Nina Strydom (D o/13, 100 m en 200 m)

Ons is trots op elke atleet en weet dit was ‘n ongelooflike ervaring vir elkeen.

Atletiek Koördineerder:  Mev. S. Wessels samwessels@jeffreysbayprimary.co.za